ඇස් ඇරපන්..
හීන බැලුවා ඇති ඔය..
මතකයිද උඹ ආසයි කියපු..
ඒ සද්දේ?
ඔව්.. ෆෝ සිලින්ඩර් තමයි ඒ...
මතකද උඹේ ඒ කාලේ..
කොච්චර නන් තල්ලු කරන්න ඇත්ද?
කොච්චර නන් කික් කරන්න ඇත්ද?
කොච්චර නන් මහන්සි වෙන්න ඇතිද ඕකට නැගගන්න..
මතකද එදා වැටිලා සිග්නල් ලයිට් එක කුඩු උනා.
තාත්තට හොරෙන් බයික් එක ගෙනත් ඒ විදිහටම තිබ්බා?
අම්මට හොරෙන් තුවාලෙට බෙහෙත් දැම්මා?
ඒත්,
එදා උඹේ ඔය හිතේ තුවාලේ හොඳ උනේ නෑ නේද...
සතුටු වෙයන් උඹ ගැන
වෙන උන් කෙල්ලො පස්සේ යද්දි
උඹ පිස්සෙක් වගේ බයික් මත්තෙම නැහුනා..
ආසයි නේද බයික් පිස්සෙක් කියද්දී ?
වෙන උන්ට පිස්සු කියද්දී තරහ ගියාට
බයික් පිස්සෙක් කියද්දි හිතට එන ගැම්ම කොහොමද?
ජීවත් වෙන්න දැන් උඹට හුස්ම විතරක් ඇතිද?
අම්මගේ අතේ එල්ලිලා පාරෙ යද්දී පාරේ යන බයික් ගනන් කළේ,නම්බර් ප්ලේට් වල අකුරු ගැලපුවේ උඹ නෙවේද?
ඇයි එහෙනන් මේ
එදා ඒ හීන පස්සේ එලෝපු පොඩි එකාට මොකද උනේ..
උඹට බැරි නෑ.. ට්‍රයි කරපන්..
එදා දැකපු හීන රොත්ත පොදිය පිටින් වළලන්නද හදන්නේ..
මතක තියා ගනින්..
මේ ලෝකේ වාසනාවන්තයෝ ඉන්නේ ටික දෙනයි..
මොකද මේ ලෝකේ බයික් පිස්සෝ ටික දෙනෙක් ඉන්න නිසා..
ජීවත් වෙයන් උඹේ හීනේ වෙනුවෙන්..
මැරි මැරි ඉපදෙන්නේ නැතුව..
සතුටු වෙයන් දවසක ඔය ඇස් පනාපිට ඒ හීනේ ඇත්තක් වෙනකොට..
අන්න එදාට උඹ මතක් කරගනින් අර බෙහෙත් දාපු තුවාලෙට, කැඩුනූ ලයිට් එකට උඹ වටිනාකමක් දුන්නා කියලා..
තාත්තගේ රෝඩ්මාස්ටරේ ගාවට ගිහින් කියපන් ආයේ තුවාල වෙන්නේ නෑ, සිග්නල් ලයිට් කුඩු වෙන් නෑ කියලා..
එවෙලෙට උඹට මුල ඉඳන් අගට සේරම මතක් වෙයි..
අඬපන් කමක් නෑ..
හැබැයි... ඒ වැටෙන්න ඕනි උඹේ හීනේ ඡායාව ඒ සතුටු කඳුලු වල බොඳ වෙන ගමන්,.
ආදරේ කරපන් උඹේ හීනෙට..පනටත් වඩා...බලා ගනින් දරුවෙක් වගේ..
සලකපන් අම්මට තාත්තට වගේ..
උඹට වරදින් නෑ මචෝ..
